بڕیارە ئەمڕۆ 49 دیلی تری ڕۆژاڤای کوردستان لەچوارچێوەی ڕێککەوتنی 29ی کانوونی دووەمی نێوان هەسەدە و حکومەتی کاتیی سوریا ئازادکران.
دیلەکان لەلایەن سیامەند عەفرین جێگری فەرماندەی گشتی هێزەکانی ئاسایشی پارێزگای حەسەکە و هێزەکانی ناوخۆی پارێزگاکە پێشوازییان لێکرا.
ئەمە شەشەم گرووپی دیلەکانی هەسەدە و ڕۆژاڤای کوردستانە کە ئازاد دەکرێن و پێشتر لە 26ی مانگی حەوت دا دوو شەڕڤانی هەسەدە بەناوەکانی دیار حەسەن مەحمود و حەسەن نەواف ئازاد کرابوون.
بەگوێرەی زانیارییەکان هێشتا بەشێک لە دیلەکانی ڕۆژاڤای کوردستان لە زیندانەکانی حکومەتی کاتیی سوریادا ماونەتەوەو چاوەڕواندەکرێت لەچوارچێوەی ڕێککەوتنی 29ی کانوونی دووەم سەرجەمیان ئازادبکرێن.