وەزارەتی پەروەردەی حکومەتی هەرێمی کوردستان، ئەمڕۆ چوارشەممە 15ی تەممووزی 2026، خشتەی تاقیکردنەوە گشتییەکانی پۆلی 12ی ئامادەیی بۆ خولی دووەم بە سەرجەم بەشە جیاوازەکانییەوە (زانستی، وێژەیی و پیشەیی) بڵاوکردەوە.
بە گوێرەی ئەو خشتە فەرمییەی لە لایەن وەزارەتەوە ڕاگەیەندراوە، پرۆسەی تاقیکردنەوەکانی خولی دووەم لە ڕۆژی سێشەممە 11ی ئابی داهاتوو دەستپێدەکەن و لە ڕۆژی پێنجشەممە 27ی هەمان مانگدا کۆتاییان دێت، بەمەش قوتابییانی خولی دووەم لەم ماوە دیاریکراوەدا تاقیکردنەوەکانیان ئەنجام دەدەن.
خشتەی تاقیکردنەوەکانی خولی دووەمی پۆلی 12ی ئامادەیی بڵاوکرایەوە
