فالح ساری، وەزیری دارایی عێراق دڵنیایی دەداتە فەرمانبەران کە مووچەکانیان بەتەواوی پارێزراو و مسۆگەر کراوە، دەنگۆی دابەشکردنی مووچەش بۆ 45 ڕۆژ جارێک ڕەتدەکاتەوە.
وەزیری دارایی عێراق لە دیدارێکدا لەگەڵ ژمارەیەک پسپۆڕ و شارەزای دارایی ئاماژەی بەوەکردبوو، تێچووی مووچەی مانگانەی فەرمانبەران دەگاتە حەوت ترلیۆن و 700 ملیار دینار، جەختیشی کردەوە، وەزارەت کاردەکات بۆ ڕێگریکردن لە هەڵاوسانی تێچووەکان، کۆنتڕۆڵکردنی خەرجییەکان و بەرزکردنەوەی ئاستی بەکارهێنانی سەرچاوە داراییەکان بکات.
لەسەر پرسی باج، وەزیری دارایی ئاشکرای کردووە، لە کۆی سێ هەزار و 800 باجدەر، تەنها هەزار و 300 کەسیان پابەندی پێدانی باجن.