سەرچاوە ئەمنییەکانی عێراق ڕایانگەیاند، لە دوای ڕێککەوتنی نێوان هەردوو لایەن، سوپای عێراق بەرپرسیارێتیی چەند بنکە و پێگەیەکی سەربازیی هێزەکانی حەشدی شەعبی لە ناوچەکانی سەماوە و ئامرلی وەرگرتووەتەوە.
بە گوێرەی زانیارییەکان، هێزەکانی سوپای عێراق بەرپرسیارێتیی بنکەیەکی ئەمنیی حەشدی شەعبییان لە ناوچەی بادەی سەر بە پارێزگای سەماوە گرتووەتە ئەستۆ.
هێزەکانی سوپای عێراق جەختیان کردەوە، بنکەیەکی دیکەی ئەو هێزانە لە ناوچەی ئامرلیی سەر بە پارێزگای سەلاحەددین لەلایەن سوپاوە وەرگیراوەتەوە.
سوپای عێراق چەند بنکەیەکی ئەمنیی لە هێزەکانی حەشدی شەعبی وەرگرتەوە
