ئەمشەو دووشەممە، 7ی ئەیلولی 2026، شاندێکی وەزارەتی دارایی هەرێمی کوردستان بە سەرۆکایەتی کۆڤان تەحسین، بەڕێوەبەری گشتیی ژمێریاری، بە مەبەستی درێژەدان بە گفتوگۆکان لەبارەی پڕۆژەیاسای بودجەی گشتیی ساڵی 2027ی عێراق ڕوویان لە بەغدا کرد.
سەردانی شاندەکە، کە بڕیارە سبەی سێشەممە لەگەڵ بەرپرسانی وەزارەتی دارایی فیدراڵ کۆببنەوە، دوای ئەوە دێت کە هەرێمی کوردستان لە کۆتاییەکانی مانگی ئابی ڕابردوودا ڕەشنووسی پشکی هەرێمی کوردستانی بۆ بودجەی 2027 ڕەوانەی بەغدا کردبوو. ئامانجی سەرەکیی ئەم دیدارە گەیشتنە بە لێکتێگەیشتنێکی ڕوون لەسەر جێگیرکردنی شایستە داراییەکانی هەرێم.
لە پڕۆژەی پێشنیازکراوی هەرێمی کوردستان بۆ بودجەی 2027، جەخت لەسەر دابینکردنی تەواوی مووچەی فەرمانبەران و خانەنشینان، دەستپێکردنەوەی پلەبەرزکردنەوەی فەرمانبەران، هاوتاکردنی مووچەی پێشمەرگە و خانەنشینان لەگەڵ بەغدا، دابینکردنی خەرجیی دەرمان و پشکی خێزانە کەمدەرامەتەکان کراوەتەوە.
شاندێکی وەزارەتی دارایی هەرێمی کوردستان بە مەبەستی گفتوگۆکردن لەسەر بودجەی 2027 سەردانی بەغدا دەکات
