جووتیارانی ڕۆژئاوای کوردستان ناڕازین لە بەهای تەرخانکراو بۆ کڕینەوەی گەنم لەلایەن حکوومەتی کاتیی سووریا و باس لەوە دەکەن، ئەم نرخانە تەنانەت تێچووی چاندنی گەنمەکانیشیان بۆ ناگەڕێنێتەوە.
بەگوێرەی بڕیارەکەی حکوومەتی کاتیی سووریا، تەنێک گەنم بە بەهای 46 لیرەی سووری لە جووتیاران دەکڕدرێتەوە و هەر ئەمەش ناڕەزایەتیی جووتیارانی ناوچەکانی گرکێلەگێ و تربەسپیی ڕۆژئاوای کوردستانی لێکەوتووەتەوە.
جووتیاران باس لەوە دەکەن، بەهۆی ڕێژەی بەرزی بارانبارین و نەخۆشیی (لێدانی زەنگ) لە زەوییەکانیاندا، ڕووبەڕووی کێشەی زۆر بوونەتەوە و لە ئێستاشدا نرخی تەرخانکراو لەلایەن حکوومەتی کاتیی سووریاوە لەوە کەمترە کە چاوەڕوانیان دەکرد، بۆیە داوا لە لایەنی پەیوەندیدار دەکەن بە نرخەکەدا بچنەوە.
جووتیارانی ڕۆژئاوای کوردستان ناڕازین لە بەهای تەرخانکراو بۆ کڕینەوەی گەنم
