عێراق پێویستی به دروستكردنی نزیكه‌ی 13 هه‌زار قوتابخانه‌ی نوێ هه‌یه، وه‌زاره‌تی په‌روه‌رده‌ش ده‌ڵێت، زیاتر له هه‌زار قوتابخانه له كه‌ره‌ڤانه و بینای قوڕدان.
گوته‌بێژی وه‌زاره‌تی په‌روه‌رده‌ی عێراق ڕایگه‌یاند، له هه‌وڵی چاره‌سه‌ركردنی ئه‌و قوتابخانانه‌دان كه له‌ناو كه‌ره‌ڤانه يان بينای كۆن و له قوڕ دروستكراودان، چونكه زیاتر له هه‌زار قوتابخانه، قوتابییه‌كانیان له‌ناو كه‌ره‌ڤانه یان بینای زۆر كۆنی له قوڕ دروستكراودا وانه‌كانیان ده‌خوێنن، ئه‌وه‌ش پێویستیی به چاره‌سه‌ری خێرایه.
دەشڵێ، عێراق پێویستیی به نزیكه‌ی 10 بۆ 13 هه‌زار قوتابخانه‌ی نوێ هه‌یه دروست بكرێت، تا كێشه‌ی كه‌میی قوتابخانه و خوێندنگه‌كان چاره‌سه‌ر بكرێت.