دەستەی سەرۆکایەتیی ئەنجومەنی جێبەجێکاری کەجەکە لە ڕاگەیەندراوێکدا هاوخەمیی خۆی بۆ کۆچی دوایی کەسایەتیی دیاری کورد، مەهدی زانا دەربڕی و سەرەخۆشی لە بنەماڵەکەی و گەلی کوردستان کرد.
لە ڕاگەیەندراوەکەدا ئاماژە بەوە کراوە، مەهدی زانا لە ساڵانی 1960ەوە لە ناو پارتی کرێکارانی تورکیای سۆسیالیستدا کاری سیاسی کردووە و ڕۆڵێکی بەرچاوی هەبووە لە هێنانەپێشەوەی پرسی کورد. هەروەها وەک سەرۆک شارەوانییەکی نیشتمانپەروەر لە ئامەد خزمەتی کردووە و دوای کودەتا سەربازییەکەی 12ی ئەیلوولی 1980، بەهۆی بەرگریکردن لە ناسنامەی کورد و بەشداری لە تێکۆشانی ئازادیدا دەستگیرکراوە.
کەجەکە جەختی لەوەش کردەوە، مەهدی زانا لە زینداندا ساڵانێکی درێژ شایەتحاڵی بەرخۆدانی مێژوویی بووە، و جەختیان کردەوە کە خەون و ئاواتی ناوبراو بۆ ئازادیی گەلی کورد و دامەزراندنی تورکیایەکی دیموکراتیک بە دڵنیاییەوە دێتە دی.
کەجەکە سەرەخۆشی بۆ کۆچی دوایی مەهدی زانا بڵاودەکاتەوە
