دادگەی تێهەڵچوونەوەی زیقار بڵاویکردووەتەوە، بەتۆمەتی گەندەڵی، ژمارەیەک فەرمانبەری شارەوانی ناسڕییە و چەند کاربەڕێکەرێک دەستگیرکراون.
بە گوێرەی ڕاگەیەنراوەکە، لە کاتی دەستگیرکردنی ئەو تۆمەتبارانەدا، ژمارەیەکی زۆر نوسراو و کۆنووس و پسوڵە و مۆر دەستیان بەسەردا گیراوە.
دەشڵێت، ئەو تۆمەتبارانە بۆ ڕاییکردنی کاروباری هاوڵاتیان لە فەرمانگەکاندا، بەرتیلیان وەرگرتووە و ساختەکاریشییان کردووە.
ئاماژەی بۆ ئەوەش کردووە، تۆمەتبارەکان کۆنووسی تایبەت بە دابەشکردنی زەویی و چەندین وەکالەتنامەی ساختەشیان پێبووە.
دادگەی تێهەڵچوونەوەی زیقار دەڵێت، چەندین چەک و ئامێری پەیوەندیکردنیش دەستیان بەسەردا گیراوە کە لای تۆمەتبارەکان بووە.
دادگەی تێهەڵچوونەوەی زیقار: ژمارەیەک فەرمانبەرمان بە تۆمەتی گەندەڵی دەستگیرکرد
