بەرپرسێکی سعودی بە کەناڵی سی ئێن ئێن ڕایگەیاندووە، وڵاتەکەی خۆی بۆ چەندین هێرشی گرووپە چەکدارە عێراقییەکان، بە هاوکاریی حوسییەکانی یەمەن و لە ژێر چاودێریی ئێران ئامادە دەکات.
بە گوێرەی هەواڵەکەی سی ئێن ئێن، دەزگا هەواڵگرییەکانی سعودیە و وڵاتانی دیکەی ناوچەکە دەڵێن، گرووپە چەکدارە عێراقییەکان لەگەڵ حوسییەکاندا بەرنامەیان داناوە کە لە داهاتوویەکی نزیکدا و بە ڕێنمایی ڕاستەوخۆی سوپای پاسداران، هێرش بکەنە سەر خاکی سعودیە.
بەرپرسە سعودیەکە ڕوونیکردووەتەوە هەڕەشە و زانیارییە هەواڵگرییەکان لە کاتێکدا بڵاو دەبنەوە کە سعودیە لە هەوڵی بەردەوامدا بووە بۆ دابەزاندنی گرژییەکانی ناوچەکە.
بەرپرسەکە جەختیکردووەتەوە کە وڵاتەکەی هەموو ڕێوشوێن و رێکارە پێویستەکان دەگرێتە بەر، بۆ بەرەنگاربوونەوەی هەر جۆرە دەستدرێژیی و هێرشێک کە بکرێتەسەریان.
سعودیە خۆی بۆ هێرشی گرووپە چەکدارەکانی سەر بە ئێران ئامادە دەکات
