سەرۆکایەتیی دیوانی ئەنجوومەنی وەزیرانی هەرێمی کوردستان بە نووسراوێکی فەرمی وەزارەتی خوێندنی باڵا و توێژینەوەی زانستیی ئاگادار کردووەتەوە، کە دانانی جێگر و ڕاسپاردنی فەرمانبەران و مامۆستایانی وانەبێژی دامەزراو بە گرێبەست لەسەر داهاتی ناوخۆ بە هەموو شێوازەکانییەوە ڕاگیراوە.
بە گوێرەی نووسراوەکەی سەرۆکایەتیی دیوانی ئەنجوومەنی وەزیران، کە ئیمزای ئومێد سەباح، سەرۆکی دیوانی لەسەرە و بە ژمارە (9722) لە ڕێککەوتی (9ی ئابی 2026) ئاڕاستەی وەزارەتی خوێندنی باڵا کراوە، کارکردن بەم ڕێنماییە نوێیە لە چوارچێوەی جێبەجێکردنی بڕیارەکانی پێشووی ئەنجوومەنی وەزیران (ژمارە 269 لە 5ی شوباتی 2025 و ژمارە 292 لە 15ی تشرینی یەکەمی 2025) دەبێت.
هاوكات لە بڕیارەکەدا جەخت لەوە کراوەتەوە، کە ڕێگە نەدرێت هیچ ناوێک بۆ ئەم مەبەستە بەرز بکرێتەوە بۆ سەرۆکایەتیی دیوان.