یەڵدا موحەممەد، لە سیۆلی پایتەختی کۆریاوە، بە بەشداری لە پاڵەوانێتیی جیهانیی تایکواندۆ هەنمەدانگ ٢٠٢٦، کە لەسەر ئاستی زیاتر لە ٦٠ وڵات و بە بەشداریی ٦٠٠٠ یاریزان بەڕێوە چوو، توانی لە بواری شکاندنی هێزدا پلەی دووەم بەدەست بهێنێت و ئەم شانازییە بۆ کوردستان تۆمار بکات.
ئەم وەرزشکارە کوردە لە ڕاگەیەندراوەکەیدا ئاماژەی بەوە داوە کە بە ناوی (تیمی کوردستان) و بە سەرۆکایەتیی مامۆستا هێمن مەهدی قادر بەشدارییان کردووە، و تیمەکە لە ٨ کوڕ و ١ کچ پێکهاتبوون کە نوێنەرایەتیی شارەکانی هەولێر، دهۆک، کەرکوک و ئیدارەی سەربەخۆی سۆرانیان کردووە.
هەروەها سوپاسی تایبەتی خۆی ئاراستەی هاوسەر و بنەماڵەکەی کردووە کە بە هەموو شێوەیەک پشتگیرییان کردووە بۆ بەشداریکردن لە پاڵەوانێتییەکەدا، و پێزانینی خۆشی بۆ ڕاهێنەرەکەی، مامۆستا هێمن مەهدی قادر دەربڕیوە کە زۆر ماندوو بووە پێیانەوە.