سەرچاوەیەک ڕایگەیاند، ئاوات شێخ جەناب، وەزیری دارایی و ئابووری لە کابینەی نۆیەمی حکومەتی هەرێمی کوردستان لە پشکی بزووتنەوەی گۆڕان، دوو ڕۆژ لەمەوبەر دەستلەکارکێشانەوەی پێشکەش کردووە و چاوەڕوانی پەسندکردنیەتی.
بە گوێرەی گوتەی سەرچاوەکە، هۆکاری دەستلەکارکێشانەوەکە بۆ ئەو کێشە ئیداری و یاساییانە دەگەڕێتەوە، کە لەنێوان وەزارەتی دارایی و ئیدارەی سلێمانیدا هەن، کە هۆکاری سەرەکیشیان دەستگیرکردنی بەڕێوەبەری خانووبەرەی میریی سلێمانی بووە.
وەزیری دارایی جەختی لەوە کردووەتەوە، بەبێ بەڵگە ئەو بەڕێوەبەرە دەستگیر کراوە، و ڕایگەیاندووە ئەگەر تاوانەکەی بە بەڵگە لەسەر بسەلمێنرێت، ئەوا خۆیشی سکاڵای یاسایی لەسەر تۆمار دەکات.
وەزیری دارایی هەرێمی کوردستان بەهۆی ئاڵۆزییە ئیدارییەکانی سلێمانییەوە دەستیلەکار کێشایەوە
