لە شاری قامیشلۆی ڕۆژئاوای کوردستان، ئامادەکارییەکان بۆ بەڕێوەبردنی «فێستیڤاڵی گەورەی هاوینەی 2026» لە پارک ئازادی بەردەوامن.
بڕیارە فێستیڤاڵەکە لە 30ی تەممووز دەست پێبکات و ماوەی پێنج ڕۆژ بخایەنێت. ئامانج لە ئەنجامدانی ئەم چالاکییە، دروستکردنی کۆمەڵگەیەکی هاوینەی کاتییە بۆ بەیەکەوەبەستنی کەرتی بازرگانی و خزمەتگوزارییە گەشتیارییەکان لە ناوچەی جەزیرە (پارێزگای حەسەکە).
لە فێستیڤاڵەکەدا زیاتر لە 230 کۆمپانیای بازرگانیی جۆراوجۆر لە پارێزگاکانی جیاجیاکانی سووریاوە بەشدارن و بەرهەم و خزمەتگوزارییەکانی خۆیان لە نێو چادرگەی تایبەتدا دەخەنە ڕوو.
هاوکات بەرنامەی تایبەت بۆ خێزان و منداڵان تەرخان کراوە و چەندین هونەرمەندی دەرەوەی وڵاتیش بەشداری لە کۆنسێرت و چالاکییە هونەرییەکانی فێستیڤاڵەکەدا دەکەن.
ئامادەکارییەکان بۆ بەڕێوەبردنی فێستیڤاڵێکی گەورەی بازرگانی لە قامیشلۆ دەستیپێکرد
