ڕوانگەی سووری بۆ مافەکانی مرۆڤ نیگەرانیی خۆی بەرامبەر بە ڕووداوەکەی گرتوخانەی شاری کۆبانێ لە ڕۆژئاوای کوردستان دەربڕی، کە بووە هۆی گیانلەدەستدانی 9 کەس و برینداربوونی 17 کەسی تر، و داوای لێکۆڵینەوەیەکی ورد و دەرخستنی ڕاستییەکان دەکات.
ڕوانگەی سووری لە ڕاگەیەندراوێکدا جەخت لەوە دەکاتەوە کە پێویستە دەستبەجێ بەڵگە و تۆماری کامێراکانی چاودێریی ناو گرتوخانەکە و دەوروبەری بپارێزرێن و وردبینی لەسەر بکرێت، بۆ ئەوەی ڕوونبێتەوە کێ بەرپرسیارە لەو ڕووداوە دڵتەزێنە و ئەنجامدەرانی سزا بدرێن.
هەروەها پارت و ڕوانگەکە داواکارن کە پارێزگاری لە سەلامەتیی سەرجەم زیندانییەکانی دیکەی گرتوخانەکە بکرێت و ڕێگری لە هەر هەوڵێک بکرێت کە بۆ فەوتاندن یان لەناوبردنی بەڵگەکان دەکرێت، تاوەکو دەزگا ئەمنییەکان و ڕای گشتی بە تەواوی لە راستی و دروستیی ڕووداوەکە ئاگادار ببنەوە.