دەزگای ئاسایشی هەرێمی کوردستان ڕایگەیاند، درەنگانی شەوی ڕابردوو بە سێ درۆن هێرش کرایە سەر کەمپی ئازادی لە شارۆچکەی کۆیە، و بە گوتەی لایەنە ئەمنییەکان، هێرشەکە هیچ زیانێکی گیانی لێ نەکەوتووەتەوە.
بەپێی ڕاگەیەنراوەکەی دەزگای ئاسایش، هێرشەکە لە کاتژمێر 01:40 خولەک تاوەکو 02:10ـی بەیانیی ڕۆژی دووشەممە 28ـی ئەیلوولی 2026، لە ڕێگەی سێ درۆنەوە ئەنجام دروە و ئاراستەی کەمپی ئازادی کراوە لە سنووری کۆیە.
ئاسایشی هەرێم ئاماژەی بەوەش کرد کە خۆشبەختانه هێرشە درۆنییەکە هیچ زیانێکی گیانیی لێ نەکەوتووەتەوە، و لە ئێستاشدا تیمە پەیوەندیدارەکان لێکۆڵینەوەی وردیان لە چۆنیەتیی ئەنجامدان و سەرچاوەی هاتنی درۆنەکان دەست پێ کردووە.