یلهام ئەحمەد، هاوسەرۆکی پەیوەندییەکانی دەرەوەی ئیدارەی خۆسەر، لەگەڵ خەیرۆ داود، بەڕێوەبەری هەرێمی عەفرین و محەمەد حەسەن، جێگری پەیوەندییەکانی هەرێمی عەفرین کۆبووەوە.
بەڕێوەبەرایەتی هەرێمی عەفرین ڕاگەیەنراوێکی بڵاوکردەوە و دەڵێت، لە کۆبوونەوەکەدا میکانیزمی بەشداریکردنی مامۆستایان و خوێندکارانی عەفرین لە چوارچێوەی پڕۆسەی تێکەڵکردنەوە لە خوێندنگەکانی هەرێمەکەدا تاوتوێکرا.
ئەوەش هاتووە، دۆزینەوەی میکانیزمی گونجاو بۆ بەشداریکردنی خوێندکاران پڕۆسەی پەروەردە و پێداویستییەکانی مامۆستایان یەکێکی دیکە بووە لە تەوەرەکانی کۆبوونەوەکە.
لەچوارچێوەی خاڵی ١٤ەیەمی ڕێککەوتنی ٢٩ی کانوونی دووەم سەرجەم ئاوارەکانی عەفرین گەڕانەوە زێدی خۆیان و لەئێستاشدا خوێندنی خوێندکارانی شارەکە و سیستمی پەروەردە یەکێکە لە تەوەری گفتوگۆکانی نێوان ئیدارەی خۆسەر و حکومەتی کاتیی سوریا.