دوای گەڕانەوەی کۆچبەرانی عەفرین بۆ سەر ماڵ و حاڵی خۆیان لە چوارچێوەی ڕێککەوتنی 29ی کانوونی دووەمی نێوان هێزەکانی سوریای دیموکرات (هەسەدە) و حکومەتی کاتیی سوریا، هاووڵاتییانی گەڕاوە هێشتا ڕووبەڕووی ڕەفتاری توند، پێشێلکاری و ئاستەنگبوونی جۆراوجۆر دەبنەوە لەلایەن هێزە ئەمنییەکانی حکومەتی کاتییەوە.
ئەمڕۆ لە بازگەی سەرەکیی دەروازەی شاری عەفرین، ئەندامانی هێزەکانی حکومەتی کاتی ڕێگرییان لە ژمارەیەکی زۆری ئۆتۆمبێلی هاوڵاتییان کرد و ڕایانگرتن. هۆکاری ڕاگرتنی ئۆتۆمبێلەکان بۆ بوونی لۆگۆ و نیشانەی بەڕیوەبەری خۆسەر دەگەڕێتەوە لەسەر تابلۆی ئۆتۆمبێلەکان، کە پێشتر لە ناوچەکانی ژێر دەسەڵاتی ئیدارەی خۆبەڕێوەبەری تۆمار کرابوون.
هاووڵاتییەکی گەڕاوە لەم باریەوە ڕایگەیاند، هێزە ئەمنییەکان ناچاریان کردوون ئەو نیشانانە لێبکەنەوە و جەختی کردەوە، هەر هێما یان نیشانەیەک پەیوەندی بە کورد یان ئیدارەی خۆبەڕێوەبەرییەوە هەبێت، دەبێتە هۆی دروستبوونی ئاستەنگ و ڕێگریی بەردەوام بۆ دانیشتووانی ناوچەکە.
حکومەتی کاتی سوریا لە عەفرین کێشە و ئاستەنگ بۆ هاوڵاتییانی گەڕاوە دروست دەکات
