هاکان فیدان، وەزیری دەرەوەی تورکیا، لە سەردانێکیدا بۆ شاری ئامەد لە باکووری کوردستان، ڕایگەیاند کە هیوادارن ئاشتی و سەقامگیری لە هەردوو وڵاتی دراوسێ، عێراق و سووریا، بێتە ئاراوە و پڕۆسەی ئاشتی سەکەوتوو بێت.
فیدان لە درێژەی وتەکانیدا جەختی لەسەر گرنگیی گەشەپێدانی ناوچەکە کردەوە و ئاماژەی بەوە دا کە بە هاتنەئارای ئاشتی، ئابووریی ناوچەکە و بە تایبەت شاری ئامەد پێش دەکەوێت، و پلانیان هەیە وەبەرهێنانی زیاتر لەم ناوچەیەدا ئەنجام بدەن، چونکە بە وتەی ئەو، "ئامەد شایەنی خزمەتی زیاترە".