لە کاتی کردنەوەی بازاڕەکانی وزەی جیهانیدا، نرخی یەک بەرمیل نەوتی خاوی برێنت دابەزینی بەخۆیەوە بینی و بە 104 دۆلار و 3 سەنت مامەڵەی پێوە کرا، بەراورد بە ڕۆژی ڕابردووش نرخەکەی بەڕێژەی 2.14% کەمبووەوە.
هەروەها یەک بەرمیل نەوتی خاوی تەکساسی ئەمریکی (WTI) بە 92 دۆلار و 41 سەنت مامەڵەی پێوە کرا و نرخەکەی ڕێژەی 2.33% دابەزی.
ئەم دابەزینە لە نرخی نەوت دوای ئەوە دێت کە چەند ڕۆژێک پێش ئێستا، لە پەراوێزی کۆبوونەوەکانی کۆمەڵەی گشتیی ڕێکخراوی نەتەوە یەکگرتووەکان لە نیویۆرک، عەباس عێراقچی، وەزیری دەرەوەی ئێران و ستیف ویتکۆڤ، نێردەی تایبەتی ئەمریکا بۆ کاروباری ڕۆژهەڵاتی ناوەڕاست کۆبوونەوە؛ ڕووداوێک کە لە دوای ئەو دیدارەوە کاریگەریی نەرێنی کردووەتە سەر نرخی نەوت و ڕووی لە دابەزین کردووە.