کۆشکی سەرۆکایەتیی فەرەنسا (ئیلیزێ) خشتەی دۆسیە و تەوەرەکانی سەردانی عەلی زەیدی، سەرۆکوەزیرانی عێراق بۆ پاریس و کۆبوونەوەی لەگەڵ ئیمانوێل ماکرۆن، سەرۆکی فەرەنسا بڵاو کردەوە.
بەپێی ڕاگەیەندراوی کۆشکی ئیلیزێ، ئەمە یەکەم سەردانی فەرمیی عەلی زەیدی دەبێت بۆ ئەوروپا، و ئامانج لێی بەهێزکردنی پەیوەندییە هاوبەشەکانی نێوان هەردوو وڵاتە. لە کۆبوونەوەکەدا هەردوو سەرکردە دۆسیەکانی وزە، گواستنەوە، ژێرخانی ئابووری، سەرچاوەکانی ئاو، تەندروستی و پەرەپێدانی هاوکاریی ئەمنی و سەربازی تاوتوێ دەکەن، هەروەها چەند گرێبەستێکی نەوتیش واژۆ دەکرێن.
لای خۆیانەوە، هەردوو لایەن پابەندبوون و بڕیاری هاوبەشیان بۆ بەردەوامبوون لە رووبەڕووبوونەوەی تیرۆر و ڕێگریکردن لە خۆڕێکخستنەوەی داعش دووپات کردەوە؛ ئەم هەوڵانەش لە چوارچێوەی گۆڕانکارییە چاوەڕوانکراوەکانی ئەرکی هاوپەیمانیی نێودەوڵەتی و بە ڕێزگرتنی تەواو لە سەروەریی وڵاتان دەبن.