Cîgirê Wezîrê Parastinê yê hikumeta Veguhêz a Sûriyê Sîpan Hemo li ser êrîşa duh li Rimêlan daxuyanî da.
Sîpan Hemo êrişa li dijî baregeha Xerab Cîr ji hêla komên çekdar ên Iraqê ve şermezar kir.
Sîpan Hemo rayedarên Iraqê wekî berpirsyarên vê êrîş dît.
Şevê din komên çekdar yên girêdayî Iraqê êrîşî bargeha Xerab Cîr ya li Rimêlanê kir.
Di encamê de tenê zirarê madî çêbûn.
Cîgirê Wezîrê Parastinê yê hikumeta Veguhêz a Sûriyê li herêma rojhilat Semîr Elî Oso ango Sîpan Hemo bi postekê li ser X'a xwe êrîş şermezar kir û got:
"Em êrişa li ser baregeha Xerab Cîr li herêma rojhilat şermezar dikin, ku îşev bi mûşekên ku ji axa Iraqê hatine avêtin pêk hat.
Sîpan Hemo: Em rayedarên Îraqê wekî berpirsyarên vê êrîşî dibînin
Em rayedarên Iraqê bi tevahî û rasterast ji vê kiryarê berpirsiyar dibînin.
Ji ber ku ew di kontrola axa xwe de û di pêşîgirtina li bikaranîna wê ji bo êrişên ku ewlehî û axa me tehdît dikin de aciz in.
Ji ber êrişê ziyanên madî çêbûn, lê di nav leşkerên me de tu birîndarî çênebûn."
Dawiyê Sîpan Hemo bang li rayedarên Iraqê kir ku tavilê û bi awayekî aktîv berpirsiyariyên xwe bigirin ser xwe.
Komên "Muqaweme El Îslamiyê ya Iraqê" êrişa li dijî baregeha Xerab Cîr a girt ser xwe û got ku wan bi mûşekan êriş pêk aniye.
Tê zanîn ku hêzên hikumeta vegûhêz, di çarçoveya kêmkirina xwe ya leşkerî li xaka Sûriyê, beriya demekê di vê mehê de, ji baregeha Xerab Cîr vekişiyabûn.
