Cudahî û nakokiyên di daxuyaniyên aliyên siyasî yên Başûrê Kurdistanê de yên der barê avakirina kabîneya nû ya hikûmetê de, nîşanderên sereke yên kûrbûna kêşeyên navbera wan û girêka kor û peyivîn a pêkanîna hikûmetê ne.
Serokwezîrê Herêma Kurdistanê û Cîgirê Serokê Partiya Demokrata Kurdistanê (PDK), Mesrûr Barzanî, daxuyaniyek da.
Tevî ku 3 sal in dema kabîneya Mesrûr Barzanî bi dawî bûye, lê belê hîn jî hemû taybetmendiyên hikûmeteke xwedî desthilata tam tê de hene.
Lê belê di axaftinên Mesrûr Barzanî de, nîgeraniya ji ber derengketina pêkanîna kabîneya dehem diyar bû, her wiha hinek nermbûn jî tê de hebû.
Mesrûr Barzanî got ku PDK amade ye ji bo avakirina hikûmetê, çalakkirina parlamentoyê û berjewendiyên xelkê bixe pêş berjewendiyên xwe yên kesî.
Mesrûr Barzanî: Werin em parlamentoyê çalak bikin
Mesrûr Barzanî ronahî nexist ser wê yekê, ka gelo PDK amade ye bi mercên YNK û hevpeymana wê Nifşê Nû razî bibe û dest ji wan postan berde ku bûne sedema xetimîna siyasî.
Li ser vê mijarê, Şaswar Ebdulwahid bersiva Mesrûr Barzanî da û got ku Mesrûr Barzanî dixwaze parlamento tenê ji bo hilbijartina wî wekî serokwezîr dubare were çalakkirin.
Ji aliyê xwe ve, berpirsekî Yekîtiya Nîştimanî ya Kurdistanê (YNK) ji Nuçe TV re axivî û wiha pênase kir ku çalakkirina Parlamentoya Kurdistanê bêyî rêkeftineke destpêkê bêwate ye, ji ber ku parlamenter siyaseta partiyên xwe bi cih tînin.
YNK: Çalakkirina parlamentoyê bêyî rêkeftina destpêkê bêsûd e
Tevî ku çend destpêşxerî hebûn ji bo derketina ji vî barê ku pêvajoya siyasî ya Başûrê Kurdistanê tê de ye, lê belê bi şîrovekirina daxuyaniyên berpirsên partiyan diyar dibe ku hewldan heta niha negihîştine astekê ku PDK û YNK careke din li ser maseya danûstandinan werin cem hev.
