Rêveberiya Giştî ya Operasyonan a Asayîşa Başûrê Kurdistanê ragihand ku bi hevahengiya digel Dezgeha Dije Terora Îraqê, li sînorê Silêmanî û Îdareya Raperînê 2 çeteyên DAIŞ’ê hatin girtin.
Rêveberiya Giştî ya Operasyonan a Asayîşa Başûrê Kurdistanê bi daxuyaniyekê diyar kir ku piştî operasyonê, hevjîn û zarokên çeteyekî ji wan hatin rizgarkirin ku wî çeteyî ew desteser kiribûn.
Hat gotin ku herdu çete li gorî madeya 2’yan a yasaya terorê hatine girtin û lêpirsîna digel wan berdewam e.
Rêveberiyê her wiha da zanîn ku ev operasyon di 14’ê hezîranê de hatiye encamadan.
© 2026 – NÛÇE TV Hemû maf parastî ne. Nûçe Rastî ye