Li gorî ANF'ê, alîgirên Eniya Tirkmen bi karwana xwe yê kampanyaya hilbijartinê çûn Taxa Kurdistanê, ku taxeke Kurdan a navçeya Pirdê ye û li wir heqaret li ciwanên Kurd yên taxê kirin.
Serokê Lîsteya Eniya Tirkmen a hilbijartinên Parlamentoya Iraqê Erşed Salihî ku bi dijmintiya xwe ya bi Kurdan re tê nasîn.
Piştî bûyerê li ser hesabê xwe ya Facebookê dîmenek parve kir û ciwanên Kurd hedef girt. Di dîmen de Salihî bi van gotinan ciwanên Kurd hedef digre:
"Ez pir bi wêrekî îtîraf dikim ku ew kes alîgirê min in. Wêrek bin û qebûl bikin ku ew kesên ku êrîşî me jî kirin alîgirên we ne. Ger ew ne alîgirên we bin, wê hingê ew terorîst û têkder in."
