Cihê Ziyareta Dûzgûn Babayê, li navçeya Nazimiyeyê ya Dêrsimê dikeve û yek ji navendên herî girîng ên baweriya Elewiyan tê dîtin.
Di 15'ê Gulanê de tabelayên pîroz ên bi navê "Şopên Linga" ji aliyên kesên ku nasnameya wan nediyar e ve hatibûn xerabkirin.
Li ser giliyan bi talîmat û koordînasyona Serdozgeriya Komarê ve, lêpirsîna edlî û îdarî hat destpêkirin.
Kesên êrîşkar bêyî destûr, bi kolandinê zirar dane perestgehê.
Di lêpirsîn û lêkolînê de, 4 gumanbarên ku di nav wan de mixtarê gundê Çewrecikê Zekî Açikgoz jî heye, hatin binçavkirin.
Her wiha hat zanîn ku ji aliyê Walîtiya Dêrsîmê ve, Zeki Açikgoz ji peywira xwe hatiye dûrxistin.
