Salek li ser dagirkirina Kantona Efrîn- Şehbayê ji aliyê girûpên çekdar ên girêdayî dewleta Tirk ve derbas dibe.
Koçberên Efrînê da ku rojekê bi ewle vegerin ser mal û milkên xwe li Şehbayê bi cih bibûn, lê careke din neçarî koçberiyê bûn.
Di 27`ê Mijdara 2024`an, girûpên çekdar ên girêdayî dewleta Tirk dest bi êrîşan li ser Kantona Efrîn- Şerhbayê kirin.
Di 29`ê heman mehê de jî girûpên çekdar ên girêdayî Tirkiyê êrîşî Şehbayê kirin, ji ber kiryarên girûpên çekdar ên li dijî xelkên Şehba û koçberên Efrînê neçar man koçber bibin.
Girûpên çekdar yên girêdayî Tirkiyê êrişên berfireh yên revandin û kolekirinê li dijî sivîlên li herêmên Şehba yên asê mabûn, pêk anîn.
30`ê Mijdarê ji ber êrîşên dijwar ên dewleta Tirk xelkên Til Rifet, Heleb,koçberên Efrînê û Şehba berê xwe dan herêmên bi ewle yên Rêveberiya Xweser a Bakur û Rojahilatê Sûriyê.
Karwanên koçberan li seranserî Herêma Bakur û Rojhilatê Sûriyê bi cih bûn.
Ji aliyê gel û saziyên kantonê ve hatin pêşwazîkirin û li cihên hatine amadekirin hatin bicihkirin.
Bi dehhezaran xelkên Şehba û koçberên Efrînê koçberî bajarên Reqa, Tebaqa, Kobanê, Hesekê, û Qamişlo bûn li wir Rêveberiya Xweser pêşwaziya wan kir.
Di wê demê de ji bo pêşwazîkirina karwanê koçberan û bicihkirina wan, tevahî sazî û dezgehên Rêveberiya Xweser seferberî ragihand û bi hemû derfetên xwe yên heyî koçberên herêmên dagirkirî pêşwazî kirin.
Piştî hilweşîna Rêjîma Baas a Esed di 8`ê kanûna 2024`an de Sûriyê derbasî qoneke nû bû.
Di 10`ê adara 2024`an de Fernamdarê Giştî yê Hêzên Sûriya Demokratîk QSD`ê Mazlûm Ebdî û Hikmeta Veguhêz a Sûriyê Ehmed Şera peymanek 8 xalî îmze kirin.
Benda 5`an a peymanê ew e ku koçberên ku ji cih û warên xwe hatine derxistin, divê vegerin gund û bajarên xwe û ji hêla dewleta Sûriyê ve bên parastin.
