Pirsgirêkên herî mezin ên otomobîlên elektrîkî "tirs û fikarên wextê şarjê" û "kêmiya mesafeyê" êdî bi dawî dibin.
Kompaniyên mezin ên teknolojiyê îsal nifşekî nû yê betariyan çêkirine.
Di danasîna van betariyan de hat gotin ku ev betarî dikarin tenê di 5 deqeyan de bi temamî şarj bibin.
Di heman demê de ev teknolojiya nû dihêle ku erebeyek bi yekcar şarjkirinê zêdetirî 1,200 kîlometreyan bimeşe.
Betariyên keşfkirî yên nû, ne tenê xetereya şewatê kêm dikin, lê leza şarjkirinê daxistin asta tijekirina depoya benzînê.
Ev gav dibe sedem ku ajokarên ku berê ji ber fikarên mesafeyê nediwêrîn erebeyên elektrîkî bikirin, niha berê xwe bidin vê pîşesaziyê.
Betariyên nû ji bo jîngehê pêngaveke mezin e
Ev guhertin ji bo kêmkirina gaza karbonê û parastina sirûştê serkeftineke dîrokî ye.
Pispor diyar dikin ku heta dawiya vê salê, firotina otomobîlên bi sotemeniya fosîl (benzin û mazot) li gelek welatan ji sedî 40 kêm bibe.
Pispora Veguhastina Berdewam, Dr. Alîn herdem, der barê mijarê de, wiha got:
"Ev ne tenê guhertina motorê ye, ev şoreşa paqijkirina hewaya bajaran e.
Zarokên me dê di pêşerojê de, bajaran bê dengê motoran û bê dûman bibînin."
Di şoreşa bataryayên nû de, ne tenê şerîketek, lê çend fîrmayên mezin û navdar ên cîhanê pêşengtiya wê kirine.
Li gorî van hemû geşedanan, diyar e ku şoreşa batariyan ne tenê guhertineke teknolojî ye, lê belê destpêka serdemeke nû ya aborî û ekolojiyê ye.
