Bi guhertina desthilata Sûriyê re alozî kêm nebûne, berovajî vê yekê rojane bûyerên kuştin, revandin, girtin û xwepêşandanên nerazîbûnê ji aliyê gel ve tên lidarxstin. Li Babê, li dijî mayîna baregehên Tirkiyê xelkên herêmê daketin qadan.
Li Cebel Eqîl ê gundewarên Babê ya girêdayî Helebê jî li dijî hebûna baregeha Tirkiyê ya li ser erd û malên wan xwepêşandanan li dar xistin.
Çalakiya şêneyên Cebel Eqîl di hefteya 6ˊan de didome.
Navenda Çavdêriya Mafên Mirovan a Sûriyê (SOHR)`ê, diyar kir ku bi dehan xelk piştî nimêja înê li qadekê kom bûn û bang li berpirsên herêma Babê, Parêzgarê Heleb û aliyên eleqedar kirin ku bi erkên xwe rabin.
© 2026 – NÛÇE TV Hemû maf parastî ne. Nûçe Rastî ye