Rûsya li bajarê Nikopolê li herêma Dnipropetrovsk a Ûkraynayê êrîşek pêk anî û di encama êrîşê de herî kêm 5 kes hatin kuştin û 19 kes jî birîndar bûn.
Bepirsên Ûkraynayê, dibêjin ku di vê êrîşê de sivîl hatine hedefgirtin.
Êrîş, di saetên sibehê de pêk hat û Serdozgeriya Ûkraynayê êrîş weke "sûcekî şer" pênase kir.
Ji aliyekî din ve, Artêşa Ûkraynayê ragihand ku Rûsyayê tevahiya şevê 289 êrîş bi dronên dûravêj pêk anîne û 260 ji wan ji aliyê pergalên parastina hewayî ve hatine xistin.
Ji aliyê Rûsya ve, Karbidestên rûsî roja şemiyê gotin ku êrîşeke bi mûşek û dronan li başûrê Rûsyayê pêk hatiye herî kêm kesek hatiye kuştin û 4 kesên din jî birîndar bûn.
