Reyhan ne tenê çêjên xwarinê xweş dike, ew giyayeke bi xurekên sûd jî dewlemend e.
Her wiha sîstema parastinê di laş de xurt dike û li dijî penceşêr û nexweşiyên dil diparêze.
Reyhan bi hezaran salan wekî pêkhateyek bingehîn di salat û reçeteyên Îtalî de hatiye bikaranîn û heta di rêûresmên mumîfîkasyonê yên Misira kevnar de jî hatiye bikaranîn.
Parêzvana qeydkirî Gillian Clopperson a Klînîka Cleveland, diyar kir ku Reyhan bi taybetî pelên wê yên hişk, çavkaniyek dewlemend a vîtamîna K ye.
Reyhan bi taybetmendiyên xwe yên antîbakteriyal û dijî-iltihab jî tê zanîn û dibe ku tenduristiya mirovan a derûnî jî baştir bike.
Cureyên cûrbecûr ên reyhanê, wekî reyhana şîrîn, gentian, reyhana binefşî û reyhana pîroz, bi antîoksîdan dewlemend in.
Reyhan xetera nexweşiyên kronîk kêm dike
Raportek di rojnameya Brîtanî The Independent de, diyar kir ku vîtamîn û mîneralên antîoksîdan pêşî li zirara hucreyan digirin û xetera nexweşiyên kronîk kêm dikin.
Delîlên zelal hene ku reyhan ji bo pêşîlêgirtina penceşêrê, amûreke bihêz e.
Parêzvana qeydkirî Gillian Clopperson destnîşan kir ku lêkolîner hewce ne ku lêkolînên bêtir li ser mirovan bikin, da ku dîtinan piştrast bikin û mîqdara baştirîn a reyhanê ya ku were vexwarin diyar bikin.
Li gorî Navenda Zanistên Tenduristiyê ya Teksasê li San Antonioyê, çend lêkolînan destnîşan kirine ku Reyhan tansiyona bilind a xwînê kêm dike, asta kolesterolê baştir dike û dibe alîkar ku asta şekirê xwînê were kontrolkirin.
Lêkolîneran pêşniyarên ji bo sûdwergirtina ji tenduristiyê ya Reyhanê diyar nekirine, lê ew dikare bi zêdekirina pelên teze an hişk li xwarinan were vexwarin.
Lêbelê, pispor hişyar dikin ku vexwarina zêde ya Reyhanê yan vexwarina wê bi hin dermanan re, dibe ku bibe sedema ruhnbûna zêde ya xwînê.
Di heman demê de dikare bibe sedema daketinek neasayî ya şekir û tansiyona xwînê.
