Înîsiyatîfa Yekîtiya Demokratîk bi dirûşma “Em ê bi ruhê yekîtiyê bi ser bikevin” Civîna xwe ya Giştî ya Asayî ya 2`yemîn li Eywana Konferansê ya Alî Emîrî ya Şaredariya Bajarê Mezin a Amedê li dar xist. Di civînê de peyama Rêberê Damezrîner ê PKK`ê Abdullah Ocalan hat xwendin.
Rêberê PKK`ê Abdullah Ocalan da zanîn ku yekîtiya demokratîk a neteweyî têgihiştinek li ser bingeha îradeya civakan a dildarî pir rengiyê esas digire ye.
Di peyamê de ev xal hatin destnîşankirin: “Ev yekîtî ne pêkhateyên yekperest û navendî yên netew dewletê, rêxistinbûnek civakî ya tevlibûna demokratîk a xwecihîbûnê esas digire ye. Hêza xwe ne ji desthilatdariyê, ji civakîbûnê digire.”
Abdullah Ocalan da xuyakirin ku perçebûna Kurdistanê rastiyek dîrokê îfade dike û wiha got: “Divê cihêwaziya her perçeyekê li ber çavan bê girtin û li gorî wê rêyên çareseriyê bên peydakirin. Pêwîst e yekîtiya di navbera perçeyan de jî ne li gorî feraseta desthilatê, li gorî hişmendiya neteweya demokratîk bê avakirin. Çareseriya pirsgirêka Kurd û yekîtiya demokratîk ger aştî û azadiya hemû gelên li Tirkiye, Îran, Iraq û Sûriyê bigire nav xwe dê watedar bibe.”
Ocalan diyar kir ku yekîtiyek mayînde bi îradeya jiyana hevpar, wekhevî û hevnaskirina dualî pêkan e û wiha domand: “Ji bo vê yekê ez bi taybetî dixwazin binê yekîtiyek demokratîk destnîşan bikim. Bêguman dema ev xebat tên meşandin rêxistinbûna civaka demokratîk û siyaseta demokratîk rê û rêbaza esasî ye.”
Rêberê PKK`ê anî ziman ku kongre dê bibe gavek armanca û rêgezên yekîtiya demokratîk bi hêz bike.
Abdullah Ocalan di dawiya peyamê de baweriya xwe ya ji bo serkeftina kongreyê û silavên xwe ji pêkhatiye kongreyê re şand.
