Çekdarên Hikûmeta Veguhêz yên ku dewleta Tirk wan perwerde dike û piştre êrîşên li ser taxên Şêxmeqsûd û Eşrefiyê yên Helebê û koçberkirina niştecihên wan, malên şêniyan talan dikin.
Li gorî ajansa ANHA, çekdar şêniyan li qadan înfaz dikin û diyar kir ku yek ji wan ciwanekî bi navê Basil bûye.
Hate zanîn ku çekdarên Hikûmeta Veguhêz a Sûriyê li ser nuqteya berê ya Hêzên Ewlekariya Hundirîn a Kolana Selahedîn û hejmarek saziyan alên Tirkiyê daliqandina.
Fona Zarokan a Neteweyên Yekbûyî (UNICEF) ragihandibû ku 298 jê zarok, zêdetirî hezar û 229 kes ji Şêxmeqsûd û Eşrefiyê koçber bûne.
Ofîsa Kar û Barên Mirovî (OCHA) ya Neteweyên Yekbûyî jî ragihand ku ji ber êrîşên çekdarên Hikûmeta Veguhêz yên li ser Şêxmeqsûd û Eşrefiyê nêzîkî 120 hezar kes koçber bûne.
Rêxistina Mafên Mirovan a Efrînê jî diyar kir ku hejmara kesên ji ber êrîşan winda bûne ji 500’î derbas bûye. Rêxistinê hişyarî da ku xetereyên mezin li ser jiyana sivîlan û aqûbeta windayan hene.
