Di Daxuyaniyê de wiha hat diyarkirin: “Di operasyona ewlehiyê ya ku hêzên Komandos bi hevkariya Hêzên Operasyonan û Hêzên (HAT) ên Hêzên Ewlekariya Hundirîn de, li bajarokê Hîşe û derdora wî û rojhilatê bajarokê Eyn Îsayê dest pê kiriye, 71 kes hatin girtin.”
Di nav wan de, kesên girêdayî DAIŞ`ê, kesên ku destê wan di torên sûcên rêxistinkirî, dizî, şêlandin û bazirganiya narkotîkê de hene, kesên tev li êrişên li dijî ewlehiya herêmê û sivîlan bûne jî, hene.
Hat eşkerekirin ku di operasyonê de, miqdareke çek û cebilxane hatine desteserkirin.
