Ajansa Karesatan a Endonezyayê da xuyakirin ku di encama hilweşîna dibistanekê de, hejmara qurbaniyan gihiştiye 54 kesan.
Rêveberê Operasyonên Ajansa Lêgerîn û Rizgarkirinê ya Neteweyî ya Jakarta, Yudhi Bramantyo eşkere kir ku wan heta sibeha duşemê, 54 cenaze dîtine û heya niha 13 kesên din jî winda ne.
Her wiha hêvî dike ku ew îro karibin operasyonên lêgerînê biqedînin û cenazeyan radestî malbatan bikin.
Ji aliyê xwe ve, Cîgirê Rêveberê Ajansa Rêvebiriya Karesatên Neteweyî Budi Irawan ev bûyer weke karesateke herî kujer a îsal li Endonezyayê bi nav kir.
