Serokê Amerîkayê meha borî ragihand ku Hamasê qebûl kiriye di çarçoveya nexşerêyeke 15 xalî de, di dema vekişîna artêşa Îsraîlê ji Xezeyê de, gav bi gav çekên xwe deyîne.
Zava û nûnerê Serokê Amerîkayê Jared Kushner, piştî du rojan ji danûstandinên bi rêberên Hemas û Îsraîl re li ser plana rawestandina şerê li Xezeyê, li hev kirin û vegeriya Amerîkayê.
Jared Kushner rojek piştî hevdîtina bi rêberê siyasî yê Hemasê Xelîl Heyya re li Misrê, bi Serokwezîrê Îsraîlê Benjamin Netanyahu re civiya.
Ji ber ku Îsraîlê êrîşên asmanî yên nû li ser Xezeyê dane destpêkirin û bêtir ax girtiye.
Tevî agirbesta ku di Cotmehê de li ser hat lihevkirin jî, Hemas red dike ku dev ji çekên xwe berde.
Kushner hevdîtina xwe ya bi Netanyahu re ku nêzîkî çar demjimêran dewam kir wekî "baş" bi nav kir.
Zavayê Trump got ku nûnerên Hamasê "hemû tiştên rast" anîne ziman.
Zava û nûnerê Serokê Amerîkayê ji Fox News re wiha got:
"Dibe ku em di nav 30 rojan de pêşketinê bibînin û em hêvî dikin ku Hemas hejmareke çekan radest bike.
Her wiha em hêvî dikin ku di nav 60 heta 90 rojên bê de hin tunelan tijî bikin."
Kushner: Îsraîl dê di her du rewşan de jî serketî be
Jared Kushner wiha berdewam kir:
"Em mafê Îsraîlê yê xweparastinê sînordar nakin, ger gefên nêzîk hebin."
Her wiha Kushner tekez kir ku Îsraîl wê di her du rewşan de jî serketî be.
Ger Hamas di 60 heta 90 rojên bê de bi dilxwazî dev ji çekên xwe berde an red bike.
Ger Hemas red bike çekan deyîne, Îsraîl wê ji Dewletên Yekbûyî yên Amerîkayê û aliyên din piştgiriyeke pir mezintir wergire, da ku kar bi awayê rast bike.
