Navenda Ragihandinê ya Hêzên Sûriyeya Demokratîk (QSD), der barê xistina 2 dronên DAIŞ`ê de daxuyeniya nivîskî weşand û wiha da zanîn:
"Hêzên me, du dronên ku ji çeperên komên hikûmeta Şamê yên li ser eniya gundê Xanim El Elî li gundewarê rojhilatê Reqayê derketine, xistin xwarê.
Ev herêm hefteyek e di bin êrîşên hêzên hikûmetê û komên girêdayî wê de ye.''
“Piştî desteserkirinê lêkolîn hat kirin”
Di daxuyaniyê de hat eşkerekirin ku bermayên du dronên DAIŞ`ê hatin desteserkirin û wiha hat bibîrxistin:
"Droneya yekem ji cureya Matrice M30 bû û ya duyemîn jî droneke êrişê ya FPV bû.
Piştî desteserkirina bermayên her du droneyan, tîmên me yên teknîkî karîn daneyan ji karta bîrdankê ya Matrice M30 derxînin û lêkolîn dikin."
“Hat keşif kirin ku çekdarên biyanî DAIŞ'î ne”
Hêzên Sûriyê gotin ku piştî lêkolînê bi zelalî eşkere bû ku ekîba wan droneyê dixebitîne keşfê dike û wiha dan xuyakirin:
"Di dema lêgerînê de çavdêrî û êrişên ku pêk anîn, çekdarên biyanî yên girêdayî rêxistina terorîst a DAÎŞ’ê bû."
Hêzên Sûriya Demkratîk (QSD) di dawiya daxuyaniya xwe de bang li hevkarên xwe yên di hevpeymaniya navneteweyî de kirin ku van rastiyên cidî bişopînin û lêpirsînekê vekin ji mijara çekdarên biyanî yên DAÎŞ’ê li xetên temasê dronan dixebitînin.
