Di sala 2026'an de, teknolojiya ku mirovan tenê di fîlmên xeyalên zanistî de didîtn, êdî bûye rastiyeke rojane.
Amûrên Têkiliya Mejî û Komputerê (Brain-Computer Interfaces - BCI), ên ku dihêlin mirov bi hêza hiş û ramanên xwe amûrên dîjîtal kontrol bikin, di warê bijîşkî û endezyariyê de serdemeke nû dan destpêkirin.
Çîpên di mejî de ji bo felçiyan hêvîyeke nû ye
Pargîdaniyên pêşeng ên mîna Neuralink û Synchron der barê zanistê de, ceribandinên xwe yên nû bi serkeftineke mezin berdewam dikin.
Bi saya çîpên ku di nav bîboka serî de yan jî di nav rehan de tên bicîhkirin, nexweşên ku ji ber nexweşiyên wekî ALS an felçê nikarin laşê xwe bilivînin, êdî dikarin gelek tiştan bikin.
Dema ku ev çîp di bîboka serî yan rehên mêjiyê kesê nexweş de tê çandin, êdî dikare komputerê tenê bi ramanên xwe kontrol bike.
Di warê torên civakî de jî nexweş dikarin peyaman binivîsin û bilîzin.
Her wiha nexweş dikarin dest û lingên robotîk (protez) wekî endamên laşê xwe yên rastîn bi kar bînin.
Zîrekiya çêkirî û sînyalên mêjî bûn yek
Serkeftina herî mezin a vê dawiyê, entegrasyona Zîrekiya Çêkirî (AI) ya di nav van amûran de ye.
Sînyalên ku ji mêjî tên, carinan tevlîhev in, lê modelên pêşkeftî yên AI'yê van sînyalan di nav çend mîlîsaniyan de analîz dikin û rasterast werdigerînin fermanên kompîturê.
Bi vî awayî, leza nivîsandin û fêmkirina amûrê gihîştiye asta herî bilind.
Elon Musk daxuyand ku Neuralink, di sala 2026'an de amadekariyên hilberîna komî (high-volume production) ya van çîpan dike.
Li aliyê din, zanyar li ser amûrên "lêkirî" (ên mîna serbanan an berçavkan) dixebitin, da ku hewcedarî bi emeliyatê nebe û her kes bikaribe wekî aksesûarekî teknolojîk bi kar bîne.
Her çend nîqaşên etîkî li ser parastina daneyên mejî hebin jî, pispor destnîşan dikin ku ev teknolojî dê di salên pêş de şêwazê jiyana mirovahiyê bi temamî biguhere.
