Ozgur Ozel pirsa li ser bidawîbûna peymana 10'ê Adarê ya di navbera Hikûmeta Veguhêz a Suriyê û QSD'ê de wiha bersivand:
"Ez girîngiyê didim Peymana 10'ê Adarê; divê were bicîhanîn. Me got ku çarçoveya wê fireh e û divê îfadeyên ne zelal werin zelalkirin.
Roja 31'ê Kanûnê hebû, ew dem derbas bû û hîn lihevkirinek nehatiye bidestxistin.
Divê Ereb, Kurd û Tirk di aştiyê de bijîn. Ji bo vê yekê, çarçoveyek destûrî hewce ye.
Destûrek Sûrîyeyî ku her kes tê de temsîl bibe hewce ye. Ji bo bicîhanîna Peymana 10'ê Adarê dîplomasî hewce ye.
Dengên ku ji Tirkiyê tên divê di vê xalê de avaker bin."
Her wiha bertekek jî ji Parlamenterê Partiya Paşerojê yê Bursayê Kanî Torun ve hat. Torun li ser hesabê xwe yê Xê bertek nîşanî daxuyaniya Wezareta Parastinê da.
"Gefa rastîn a li ser Sûriyê ne ji Kurdan, ji Îsraîlê tê"
"Ger Wezareta me ya Parastina Neteweyî di derbarê yekparçeya axa Sûriyê de ewqas hesas e, divê ew yek an jî du gotinan ji Îsraîlê re bibêje, ku Girên Golana Sûriyê, dagir kiriye.
Gefa rastîn a li ser yekparçeya axa Sûriyê ne ji Kurdên ku mafên xwe yên demokratîk dixwazin û dixwazin welatiyên Sûriyê bimînin tê, lê ji Îsraîlê tê.
Ne siyaseteke rast e ku em li hember Îsraîlê bêdeng bimînin û her roj gefê li welatiyên xwe, xizm û xizmên wan bixwin."
