Rêxistina Karûbarên Jinan a Neteweyên Yekbûyî, der barê rewşa jinan a ji ber şeran de raporek belav kir.
Di raporê de hatiye diyarkirin ku cîhan di qonaxa herî dijwar a şerên çekdarî de piştî sala 1946’an re derbas dibe.
Li gorî wê, heta niha 676 milyon jin li herêmên metirsîdar de dijîn.
Di şer û pevçûnên sala 2025’an de zêdetirî 37 hezar sivîl hatine kuştin ku yek ji pênc parên wan jin bûn.
Di sala 2025’an de zêdetirî 9 hezar bûyerên tundiya zayendî hatine tomarkirin.
Her wiha 676 milyon jin jî di bin metirsiyê de ne.
Li Sûdanê tundiya zayendî çar qat zêde bûye.
Li Xezayê ji ber şer û koçeriyê 700 hezar jin ji ber nebûna kelûpelên tendurustiyê gihîştiye asta karesatê.
Li Ûkraynayê jî, jin ji sedî 72 ji rêjeya bêkariyê pêk tînin û dahata wan ji ya mêran kêmtir e.
Her wekî li Afganistanê jî ji sedî 78 ji jinên ciwan ji xwendin û kar hatine bêparkirin.
Ev yek jî rêjeya mirina dayikan di dema zayînê de, zêdetirî ji sedî 50 bilind kiriye.
