Cîgirê hevserokatiya Gerînendeya Têkiliyên Derve ya Rêveberiya Xweser a Herêma Bakur û Rojhilatê Sûriyeyê Bedran Çiya Kurd serdana rêberê rûhanî yê Durziyên Lubnanê, Şêx Ebû Yûsif Emîn El Sayix li navenda wî ya li bajarokê Şaron ê qezaya Alya ya Lubnanê, kir.
Bedran Çiya Kurd da zanîn ku ew bi hemû pêkhateyên Sûriyê re, dan û standinê dikin.
Ji aliyê xwe ve jî, Şêx El Sayix bal kişand ser girîngiya xurtkirina têkiliyên Kurdî - Durzî û spasiya Rêveberiya Xweser kir.
Her du aliyan piştgiriya xwe ji bo pêkanîna sîstema nenavendî li Sûriyê û ezmûna Rêveberiya Xweser anîn ziman.
