Nûnerên Rêveberiya Xweseriya Demokratîk a Herêma Bakur û Rojhilatê Sûriyê yê li Afrîkyaya Bakur Hikmet Îbrahîm ku ji aliyê hikumeta komara Ugandayê ve hat vexwendin, beşdarî Kongreya Meclisa Ciwanên Erebî û Afrîkyayî bûye.
Kongre hemwextî pîrozbahiyên Roja Serxwebûnê ya Ugandayê dewam dike.
Di navbera kongreyê de, Hikmet Îbrahîm û cîgirê serokkomarê Ugandayê Edward Squard hevdîtin kir.
Di hevdîtinê de, rewşa Sûriyê û ya herêmî gotûbêj kirin.
Her wiha rola ciwanan di avakirina welat û pêkanîna yekîtî û pêşxistinê de vegotin.
Îbrahîm destnîşan kir ku Rêveberiya Xweser hewil dide bi beşdariya tevahiya Sûriyeyan, modeleke demokratîk li Sûriyê ava bike.
