Hikûmeta Veguhêz a Sûriyê ji bo entegrasyona Hêzên Sûriyeya Demokratîk(QSD) di rojên dawî de nameyeke ku ji 13 xalan pêk tê ji Rêveberiya Xweser re şand.
Li gorî nameyê dê endamên QSD`ê bi sê hêzan tevlî artêşa Sûriyeyê bibin û Artêşa Sûriyê jî nakeve herêmên Rêveberiya Xweser.
Li gel vê yekê Tirkiyê hewl dide ku gefên xwe bidomîne, herî dawî AKP`ê di rapora xwe de ya ku ji bo çareseriya pirsgirêka Kurd a ku pêşkeşî Parlemantoyê kir, ji bo derxistina qanûnan tevlîbûna QSD`ê ji Artêşa Sûriyê weke şertekî diyar kir.
Salih Muslim: Şertên QSD`ê hatine qebûlkirin
Derbarê van mijaran de endamê konseya hevserokatiyê ya Partiya Yekîtiya Demokratîk (PYD) Salih Muslim nirxandin kir.
RêDerbarê hevdîtinên di navbera veberiya Xweser û Hikûmeta Vuhêegz de destnîşan kir ku şertên QSD`ê yên di warê leşkerî de hema bêje qebûl kirine; lê pergala navendîbûnê neanîne ziman û hûrgulî jî mane.
Salih Muslim da zanîn ku Tirkiye li hember vê yekê nerazîbûnên xwe nîşan dide; lê dê raweste.
Endamê konseya hevserokatiyê ya Partiya Yekîtiya Demokratîk (PYD) Salih Muslim wiha got:
" Hemû alî peymana 10`ê Adarê li gorî xwe şîrove dikin.
Beriya peymanê jî Tirkiyê digot divê QSD`ê xwe fesix bike; lê ev yek nayê qebûlkirin. Parastina me xeta me ya sor e.
Tirkiye berî her tiştî dixwaze Bakur û Rojhilatê Sûriyê bê hêzeke parastinê bimîne û ji bo vê yekê jî zextê li Hikûmeta Veguhêz a Sûriyê dike.
Amerîka û hemû hêzên navneteweyî nenavendîbûn û hebûna QSD`ê qebûl kirine.
Hebûna Xweseriya Demokratîk jî qebûl kirine. Hikumeta Veguhêz a Şamê dê neçar bimîne ku qebûl bike.
Em jî ji her tiştî re amade ne; em ji şer re jî amade ne.
Piştî bûyerên dawî jî, Amerîka û hêzên din dixwazin bi QSD`ê re hevkariya xwe zêde bikin.
Tirkiye naxwaze aramî û çareserî çêbibe. Lê êdî bandora Tirkiyê nemaye."
