Yekitiya Rewşenbîrên Kantona Cizîrê bi boneya 6`emîn salvegera dagirkirina bajarên Serêkaniyê û Girê Spî ji aliyê dewleta Tirk û çeteyên wê ve, şevbuhêrkek helbestan li parka Xwendinê ya bajarê Qamişloyê li dar xist.
Xelkê bajarê Qamişlo, koçberên Serêkaniyê, Girê Spî û Efrîn, helbestvan û rewşenbîr amade bûn.
Şevbihêrk piştî deqeya rêzgirtinê, endamê Yekitiya Rewşenbîrên Kantona Cizîrê Telal El Şêx axivî û got: "Şeveke biêş û giran bû. Îro em bi boneya salvegera dagirkirina Girê Spî û serêkaniyê li vir tevî helbestvanên xwe hestên xwe derdibirînin. Em soz didin ku em ê bi têkoşîn û berxwedana xwe dîsa li cih û warên xwe vegerin."
Helbestvanan bi xwendina helbesta şevbuhêrk bi dawî kirin
