Serokwezîrê berê yê Îsraîlê Naftali Bennett, wêneyeke xwe bi Senatorê Amerîkî Lindsey Graham re li ser Networka X`ê weşand û nivîsand:
"Me rewşa Îranê û vebijarkên ji bo çalakiya li dijî rejîma wê ya desthilatdar nîqaş kir."
Naftali Bennett, diyar kir ku wî ji Graham re tekez kir ku "rejîma Îranê ji her demê qelstir e û niha dem hatiye ku zext were kirin."
Her wiha jê re got: "Şert û mercên ji bo hilweşandina vê rejîma kujer û hilweşandina tora wê ya terorîst a herêmî werin afirandin."
Bennett ji Graham re eşkere kir ku hem Îsraîl, hem koalîsyon û hem jî opozîsyon, dê piştgiriyê bidin vê gavê.
Serokwezîrê berê yê Îsraîlê Naftali Bennett di dawiyê de got: "Li hemberî dijminên Îsraîlê, em yekgirtî ne."
