Ji sala 2014'an vir ve, Hewlêr û Bexdayê çareserkirina pirsgirêkên xwe yên darayî hertim ji bo dawiya salê hiştine.
Peymana dahata petrol û dahatên dervayî petrolê heta radeyekê hesabên mûçeyan vegerand ser rêya rast, lê nehişt ku karmend mûçeya 12 mehan bistînin.
Her 30 rojan wê karmend mûçeyên xwe bistînin
Hikûmeta Herêma Kurdistanê ji meha Îlonê ve 120 milyar dînar ji dahata dervayî petrolê û bîlançoyek sererastkirî ji Bexdayê re şandiye, lê Bexdayê piştî belavkirina mûçeyan, mûçe fînanse kiriye.
Peymana hinardekirina petrolê ya 2025'an wê bîlançoyek sererastkirî û dahatên dervayî petrolê bişîne, da ku karmend ji nîvê duyemîn ê vê salê pê ve her 30 rojan mûçeyên xwe werbigirin.
Her çend peyman ji aliyê berpirsên payebilind ên Herêma Kurdistanê ve hatibin îmzekirin jî, lê wan bi xwe çend caran tekez kirin ku çareseriya bingehîn û çareseriya dawî ji bo pirsgirêkên darayî, fatûreya budçeyê û dayîna tevahiya pişka Herêma Kurdistanê ye.
Hikûmeta Herêma Kurdistanê dê roja duşemê 120 milyar dînar bi pereyê naqd bixe hesabê bankê yê Wezareta Darayî li şaxa Hewlêrê ya Banka Navendî ya Iraqê (CBI).
Her wiha 48 milyar dînar dahata derveyî petrolê ya parêzgeha Silêmaniyê ji Wezareta Darayî re hatiye şandin û tê payîn ku mûçe vê hefteyê werin şandin.
