Rêberê Tevgera Sedir Muqteda El-Sedir, bi peyameke nivîskî banga lidarxistina xwepêşandanan li Îraqê kir.
Di peyamê de, Sedir daxwaz ji hemû pêkhate û baweriyên li Îraqê kir ku roja şemiyê ango 4 nîsanê li hemû parêzgehên Îraqê li dijî êrîşên Amerîka û Îsraîlê xwepêşandanên girseyî li dar bixin.
Li gorî peyamê, xwepêşandan wê di saet 16:30’ê piştî nîvro de were destpêkirin.
Muqteda El-Sedir di peyama xwe de, daxwaz ji xwepêşanderan kir ku xwepêşandan bi rengekî aştiyane û rêxistinkirî werin lidarxistin û tenê ala Îraqê bê hildan.
Amerîka û Îsraîlê di 28`ê sibatê de êrîşeke pêşlêger li dijî Îranê dan destpêkirin.
Îranê jî di bersivdayîna van êrîşan de, ji wê rojê ve bi mûşek û dronan dest bi êrîşan li ser Îsraîlê û baregehên Amerîkî yên li herêmê kir.
