Fermandarê Giştî yê Hêzên Sûriya Demokratîk Mezlûm Ebdî bi nûnerê Amerîkayê li Sûriyê Tom Barrack û fermandarê Fermandariya Navendî ya Amerîkayê (CENTCOM) Bradd Cooper re, civiya.
Mijara pêşxistina peymana 10'ê adarê hat gotûbêjkirin
Ebdî li ser hesabê xwe yê Xê daxuyaniyek belav kir, naveroka civînê ragihand û got: "Bi armanca piştgiriya yekbûna siyasî ya li Sûriyê, parastina yekparçeyiya axa welêt, afirandina jîngeheke ewle ji bo hemû pêkhateyan û her wiha misogerkirina berdewamiya hewlên têkoşîna li dijî DAIŞê li herêmê, Me hejmarek mijar gotûbêj kirin."
Di civînê de, mijara rêbazên pêşxistina peymana 10'ê Adarê ya di navbera Mezlûm Ebdî û serokê Hikumeta Veguhêz a Sûriyê Ehmed Şeri de û rêbazên rakirina cezayan ji ser Sûriyê jî hatin nîqaşkirin.
Barrack: Min gotûbêjên girîng bi Ebdî re kir
Li aliyê din, Thomas Barrack li ser platforma Xê behsa hevdîtinê kir û got: "Ji bo gotûbêjên girîng bi Fermandarê Hêzên Sûriya Demokratîk Mezlûm Ebdî re min bi hevaltiya Fermandarê CENTCOMê Admiral Cooper re serdana Bakurê Rojhilatê Sûriyê kir."