Bi banga Rêberê Gelê Kurd Abdullah Ocalan, Koma Aştî û Civaka Demokratîk li Silêmaniyê li Şikefta Casena bi merasîmekî taybet çekên xwe şewîtandin.
Piştî merasîmê Serokkomarê Tirkiyê Erdogan jî di nav serokê gelek partiyên siyasî yên Tirkiye û Başûrê Kurdistanê bi daxuyaniyên cûda piştgîrî dan vê gava dîrokî.
ERDOGAN: EZ HÊVÎ DIKIM EV GAV BIBE WESÎLEYA XÊRÊ
Serokkomarê AKPyî Recep Tayyîp Erdogan têkildarî merasîma îmhakirina çekan a PKKê li ser hesaba xwe ya Xê peyamek da.
Erdogan hîvî kir ku gava ku hatiye avîtin bibe wesîleya xêrê.
BAHÇELÎ: RÊBERÊ DAMEZIRÊNER Ê PKKÊ SOZA XWE BI CIH ANÎ
Serokê Giştî yê MHP'ê Devlet Bahçelî jî got: “Weke ku di vîdeoya di dawî de jî tê fêmkirin, rêberê damezirîner ê PKK’ê soza xwe bicih aniye, li pişt teahûda xwe sekiniye û gefên kûrewî û herêmî di dema xwe de dîtiye.”
OZGUR OZEL: AŞITIYEK TAM BI EDALET Û DEMOKRASIYÊ PÊKAN E
Serokê CHP’ê Ozgûr Ozel, derheqê merasîma çek şewitandina PKK’ê de wek “hêvî dide” pênase kir û got, “Li Tirkiyeyê ji bo avakirina aşitiyek tam, bi sazkirina edalet û demokrasiyê re pêkan e.”
DAVUTOGLU: DIVÊ EM PÊŞENGTIYA SERDEMÊ BIKIN
Serokê Partiya Gelecekê Ahmet Davutoglu derbarê merasîma îmhakirina çekan a PKK’ê de wiha got, “Tiştê ku divê em bikin ewe ku pêşengiya vê serdemê bikin.”
BABACAN: HÊVÎ DIKIM KU BIBE WESÎLEYA AŞITIYÊ
Alî Babacan jî hêvîkir ku ev gav ji bo welatê wan bi xêr be û bibe wesîleya aşitî û aramiyê.
BAFIL TALEBANÎ: BIRYARA PKKÊ GAVEKÎ DÎROKÎ YE
https://mezopotamyaajansi35.com/kr/HEM-NCE/content/view/281558
Serokê YNK’ê Bafil Talebanî destnîşan kir ku biryara gerîla ji bo destpêkirina serdemekî nû ya bi rêya diyalog û aştiyê, gavekî dîrokî ye
NÊÇÎRVAN BARZANÎ: EV GAV, DÊ PÊVAJOYÊ DERBASÎ QONAXEKE NÛ BIKE
Serokê Herêma Federe ya Kurdistanê Nêçîrvan Barzanî têkildarî merasîma şewitandina çekan daxuyaniyek da û got: “Ji bo serkeftina pêvajoya aştiyê, gavekî girîng e. Ev gav, dê pêvajoyê derbasî qonaxeke nû bike."
QUBAD TALEBANÎ: EM Ê PIŞTGIRIYA XWE YA JI BO PÊVAJOYÊ BIDOMÎNIN
Alîkarê Serokê Hikûmeta Herêma Kurdistanê Qubad Talebanî têkildarî pêngava dîrokî ya tinekirina çekan a gerîlayên PKK’ê destnîşan kir ku ewê desteka xwe ya ji bo pêvajoyê bidomînin.