Beriya çend rojan, hin malperan ragihandin ku hikûmeta Îraqê, biryara destnîşankirina Ensar Allah û Hizbullah wekî komên terorîst pesend kiriye. Lê duh, Seroketiya Komara Îraqê, daxuyaniyek da û got: " Me biryara destnîşankirina Ensar allah û Hizbullah wekî komên terorîst neda ye."
Di daxuyaniyê de, hat tekezkirin ku biryarên di derbara cemidandina Fonên Terorê û xistina wan di lîsteya terorê de, ji seroketiya komarê re nayên şandin.
Seroketiya Komarê da zanîn ku tenê zagonên ku ji aliyê Meclîsa Nûneran ve hatine dengdan û fermanên serokatiyê, ji bo nirxandin, pesendkirin û weşandinê, jêre têne şandin.
Daxuyaniyê xuya kir ku ti agahiyên Komarê ji wê biryara tinebû û ew ji medyaya dîjîtal agahdar bûne.
© 2026 – NÛÇE TV Hemû maf parastî ne. Nûçe Rastî ye